广州生产嘅“五羊牌”,你识几多?

发表于 讨论求助 2018-12-28 21:45:40

广州点解叫羊城?


传说,周夷王八年,广州发生大饥荒,民不聊生。有五位身穿五色彩衣嘅仙人分别骑住唔同毛色嘅山羊,带住稻穗降临广州,并且祝愿广州人民五谷丰登、家家幸福安康,祝罢仙人们便腾云归去,五只山羊就化作石头留在广州。广州人民为纪念五位仙人,便修建了五仙观,大殿内设有五仙和五羊雕像。




依家讲起五羊,第一时间谂起嘅当然就系与传说有关嘅五羊雕像。

五羊雕像由岭南著名艺术家尹积昌、陈本宗、孔繁纬共同创作,始建于1960年4月,位于越秀山木壳岗。1999年7月,五羊雕塑被公布为广州市文物保护单位。如今已经成为各地游客游览广州必前往嘅著名景点。




除咗风景名胜之外,原来仲有好多广州生产嘅产品商标都系用“五羊牌”命名!好多广州嘅街坊都有用过“五羊牌”嘅产品,有啲甚至远销外地,见到“五羊牌”产品八成都系产自广州。




五羊牌雪糕

相信好多广州仔女都有食过五羊牌雪糕!五羊雪糕系本土最知名嘅雪糕品牌,上世纪60年代,广州市人民食品厂创立了“五羊牌雪糕”哩个品牌,从此哩个本地嘅雪糕品牌,影响咗广州人长达50年!小编细个嘅时候,每年夏天雪柜都会摆满五羊雪糕,真系十分开心!



五羊牌雪糕有“双皮奶味”、“荔枝味”等哩啲极具岭南风情嘅味道,仲有“红豆雪批”、“莲花杯”、“红绿灯”哩啲经典嘅口味。



仲有小编最中意食嘅飞鱼脆皮!


五羊牌食用油

五羊牌食用油由广州市粮食集团生产,目前有花生油、食用调和油等食用油类产品。系广州知名嘅食用油品牌,可能你哋屋企用紧嘅就系哩种油,快啲返屋企睇下系唔系。


五羊牌闹钟

五羊牌闹钟系广州钟厂生产嘅威水产品,不过依家已经好少人知道。小编嘅爸爸妈妈果辈应该都会知道,果阵时嘅产品真系质量过硬,用极都唔会坏!



如果你屋企有个五羊牌闹钟,记得要好好保存,将来可能会变成古董。




五羊牌电池

1928年,华侨潘壮修、潘永刚先生系广州德星路81号创办兴华电池厂。该厂出产嘅一款电池,就系五羊牌电池。解放后,五羊牌电池由广州电池厂出品。如今经过变迁,原生产五羊牌电池嘅厂家,已经唔再生产五羊牌电池。

依家嘅电池市场都俾各个电子产品大厂占领咗,虽然依家啲电池质量好咗,但系总系比唔上本地生产嘅电池咁有亲切感。



五羊牌母婴护理用品

“五羊牌”仲有纸尿裤、婴儿沐浴露等产品,“五羊牌”真系可以从细到大陪伴我哋!

广州五羊化妆品有限公司旗下拥有广州广轻日化有限公司。从上个世纪80年代起,五羊成为国内首家,将孕妇化妆品与非孕妇化妆品分开使用的概念带到世界护肤领域的化妆品公司,为孕妇护肤界写下历史性的一页。2008年,五羊正式进军高端孕婴护肤品行业。



五羊油漆

广州市五羊油漆股份有限公司成立于1966年,系一间有50年历史嘅老公司,公司总部位于广东省广州市,先后被评为广东省涂料旗舰企业、广东省十大优秀涂料企业、广州市、区安全生产先进单位、广州市化工行业协会理事单位、中国地坪行业优秀品牌展示企业等。

五羊油漆系著名嘅优质产品,好多时进出口交易会都会有佢嘅身影!以前未有咁多进口油漆嘅时候,都系用广州本土生产嘅油漆搞装修。



五羊自行车

五羊自行车同样系一个历史悠久嘅广州品牌。广州五羊自行车有限公司成立于1960年,系全国自行车五大生产厂家之一。作为华南自行车工业嘅开创者同领导者,五羊自行车见证和推动了自行车工业的发展。

旧时真系差唔多个个都有一部,到依家仲有好多单车铺挂住五羊自行车嘅名号,好多80后嘅朋友都系踩五羊自行车返学添!




除咗单车之外仲有摩托车

五羊摩托

1987年,当时嘅广州摩托车厂,生产出第一台五羊牌摩托车。从此,两个轮子走在马路上嘅五羊牌,不只有单车仲有摩托车。如今,广州中心城区已经“禁摩”。广州中心城区的居民对于摩托车,可能停留在记忆之中。

想当年,小编嘅爸爸就系开住五羊摩托接仲系小学鸡嘅小编返学放学,就算迟咗起身都唔会迟到!好多同学仔都好羡慕,拉风程度比得上依家嘅奔驰、宝马。

提到五羊牌摩托,就不得不提一个比五羊摩托车更加出名嘅品牌:五羊本田摩托车。1992年,广州汽车集团股份有限公司与本田共同投资成立五羊-本田摩托,哩个牌子嘅摩托系“禁摩”之前真系随处可见。

依家系无“禁摩”嘅广州城郊,仲会见到有好多人都系揸哩种嘅摩托车!



仲有一部分可能无咁出名,但系哩啲都系经典产品!



五羊牌布面塑料底鞋



五羊牌算盘



五羊牌铝饭盒



五羊牌手表



五羊啤酒



五羊牌劳保鞋

......




虽然依家好多嘅“五羊牌”都已经停产,竞争力亦都无以前咁强,但系作为一个广州人,哩啲历史会永远系我哋嘅记忆之中,曾经为我哋服务过嘅“五羊牌”会永远系我哋心中。

不在乎天长地久,只在乎曾经拥有。


老板说了

您点一个 

小编工资涨五毛!


发表